HIMARË– lqi Rrapaj dhe Nikolas Veizaj janë vënë këtë të hënë në prangat e Policisë së Himarës këtë të hënë pasi akuzohen se akuzohen për shpërndarje të lëndëve nërkotike. Përmes një njoftimi për mediat blutë e Himarës bëjnë me dije se të rinjtë lëndën narkotike të llojit kokainë e shpërndanin në lokalet e natës. Në cilësinë e provës materiale u sekuestruan rreth 130 doza, të cilat u sekuestruan në cilësinë e provës materiale, së bashku me një shumë parash dhe 2 celularë.
NJOFTIMI I POLICISË:
Himarë/Finalizohet operacioni policor i koduar “Parts 9”, për goditjen e veprimtarisë kriminale të shpërndarjes së lëndëve narkotike. Shpërndanin doza kokaine, kryesisht në lokalet e natës, arrestohen në flagrancë 2 shtetas. Sekuestrohen doza të lëndëve narkotike kokainë, gati për shitje, një shumë parash dhe 2 celularë.Komisariati i Policisë Himarë, në bashkëpunim me specialistët për Hetimin e Narkotikëve të DVP Vlorë, në vijim të operacioneve me fokus parandalimin, evidentimin dhe goditjen e veprimtarive kriminale në fushën e narkotikëve, bazuar dhe në informacionet e siguruara nga inteligjenca informative, kanë organizuar dhe finalizuar operacionin policor të koduar “Parts 9”, si rezultat i të cilit u arrestuan në flagrancë shtetasit: -A. Rr., 26 vjeç dhe N. V., 34 vjeç, banues të dy në Borsh, Himarë. Gjatë kontrollit fizik ndaj këtyre shtetasve dhe kontrollit në banesat e tyre, shërbimet e Policisë gjetën sasi lënde të dyshuar narkotike kokainë, rreth 130 doza, të cilat u sekuestruan në cilësinë e provës materiale, së bashku me një shumë parash dhe 2 celularë. Nga veprimet hetimore dyshohet se këta shtetas i shpërndanin dozat e kokainës, në zonën e Himarës, kryesisht në lokalet e natës. Materialet procedurale i kaluan Prokurorisë, për veprime të mëtejshme.
