FIER– Shpërthen bombola e gazit në lagjen “Grizë” në Patos. Raportohet se tre persona, Fatmir Saliaj, Ylvie Saliaj dhe Daniela Shpërdheja kanë mbetur të lënduar. Ata janë dërguar menjëherë në spital për shkak të djegieve të pësuara në trup. Zjarrifkësja dhe Policia ndodhen në vendin e ngjarjes dhe po punojnë për zbardhjen e plotë të rrethanave të ngjarjes.
NJOFTIMI I POLICISË:
Rreth orës 09:15, dyshohet se për shkak të rrjedhjes së gazit nga një bombul gatimi, ka rënë zjarr në banesën e shtetasit F. S., 69 vjeç, në lagjen “Grizë”, Patos. Si pasojë, ka pësuar djegie trupore shtetasi F. S., shtetasja Y. S., 67 vjeçe dhe shtetasja D. Sh, 40 vjeçe, të cilët ndodhen në spital për ndihmë mjekësore. Grupi hetimor ndodhet në vendngjarje dhe po punon për sqarimin e rrethanave të ngjarjes.
