BULQIZË– Fadil Tërnova, Denis Tërnova dhe Elidon Karaj janë shpallur në kërkim këtë të premte pasi akuzohen për dhunë. Sipas Policisë të tre në bashkëpunim me njëri-tjetrin kanë rrahur me grushte për shkak të detyrës shefin e Policisë Bashkiake të Bulqizës. Po punohet për kapjen e tyre. Një prej personave të shpallur në kërkim, konkretisht Fadil Tërnova rezulton i dënuar për vrasjen e biznesmenit të kromit ë vitin 2013.
NJOFTIMI I POLICISË:
Goditën me grushte, për shkak të detyrës, shefin e Policisë Bashkiake Bulqizë, Policia identifikon dhe shpall në kërkim 3 autorët e dyshuar. Shërbimet e Komisariatit të Policisë Bulqizë, pas marrjes së njoftimit për një konflikt mes disa shtetasve, menjëherë kanë organizuar punën për identifikimin e autorëve dhe sqarimin e rrethanave të konfliktit. Si rezultat i veprimeve të shpejta profesionale, shërbimet e Policisë kanë identifikuar dhe shpallur në kërkim shtetasit F. T., 45 vjeç, D. T., 18 vjeç dhe E. K., 25 vjeç, të tre banues në Bulqizë. Këta 3 shtetas, në aksin rrugor Bulqizë-Fushë Bulqizë, janë konfliktuar dhe kanë goditur me grushte, për shkak të detyrës, shtetasin E. L., 35 vjeç, banues në Bulqizë, me detyrë shef i Policisë Bashkiake Bulqizë. Vijon puna për lokalizimin dhe kapjen e 3 shtetasve të shpallur në kërkim. Materialet procedurale i kaluan Prokurorisë, për veprime të mëtejshme.
