SHKODËR– Është zbardhur plagosja me thikë në Shkodër. Mësohet se i plagosur ka mbetur 38-vjeçari Artan Bobnaj. Ai u godit me thikë në bark nga 78-vjeçari Musa Çinari, i cili është vënë në pranga dhe po merret në pyetje në policinë e Shkodrës. Ngjarja ka ndodhur në një lavazh në lagjen “Rus” të Shkodrës rreth orës 11:30. Siç mund të shihet në fotot e mëposhtme, thika e përdorur nga autori është ende në tokë në vendin e ngjarjes. I plagosuri ndodhet në spitalin e Shkodrës nën kujdesin e mjekëve.
NJOFTIMI I POLICISË:
Plagosi me mjet prerës (thikë), një 38-vjeçar, pas një konflikti të çastit, identifikohet dhe shoqërohet menjëherë nga Policia, autori i dyshuar. Rreth orës 11:30, në lagjen “Rus”, dyshohet se pas një konflikti të çastit, është plagosur me mjet prërës (thikë), shtetasi A. B., 38 vjeç, banues në fshatin Bardhaj, Shkodër, i cili ndodhet në spitalin e Shkodrës, në kujdesin e mjekëve. Menjëherë pas marrjes së njoftimit, shërbimet e Policisë kanë organizuar punën, me qëllim zbardhjen e rrethanave të këtij rasti, si dhe për identifikimin dhe kapjen e autorit. Falë veprimeve të shpejta dhe profesionale operacionale, shërbimet e Policisë identifikuan dhe shoqëruan menjëherë në ambientet e Policisë, autorin e dyshuar të kësaj ngjarjeje, shtetasin M. Ç., 78 vjeç, banues në lagjen Partizani, Shkodër, për kryerjen e veprimeve të mëtejshme procedurale. Grupi hetimor vijon punën për zbardhjen dhe dokumentimin e plotë ligjor të këtij rasti.
