TIRANË– Mjeku Nazmi Metaliu dhe tekniku i imazherisë në QSUT, Astrit Mansaku kanë rënë mëngjesin e sotëm në prangat e policisë. Raportohet se të dy në bashkëpunim me njëri-tjetrin përfitonin para nga pacientët të cilët donin të bënin skanerin.
Sipas bluve të Tiranës bëhet me dije se dy mjekët kanë qenë në vëzhgim prej më shumë se trajëah deri mëngjesin e sotëm kur dhe u finalizua operacioni.
Metaliu dhe Mansaku gjatë ushtrimit të detyrës, iu mundësonin qytetarëve të ndryshëm, kundrejt shumave monetare, bërjen e skanerit, në kundërshtim me rregulloren e Spitalit, për kryerjen e kësaj procedure.
NJOFTIMI I POLICISE
Finalizohet si rezultat i një hetimi disamujor, të ndjekur me metoda proaktive, operacioni policor i koduar “Skaneri”, për gjurmimin dhe goditjen e rasteve të korrupsionit dhe të shpërdorimit të detyrës. U morën para pacientëve, për të shmangur procedurën standarde spitalore, për bërjen e skanerit, vihen në pranga 2 shtetas (mjeku dhe tekniku i Shërbimit të Imazherisë në QSUT). Specialistët e Seksionit për Hetimin e Krimeve Ekonomike dhe Financiare të DVP Tiranë, si rezultat i një hetimi disamujor, të ndjekur me metoda proaktive, në bashkëpunim me Prokurorinë pranë Gjykatës së Rrethit Gjyqësor Tiranë, me qëllim konstatimin e rasteve të korrupsionit dhe nxjerrjen përpara përgjegjësisë penale, të autorëve të tyre, organizuan dhe finalizuan operacionin policor të koduar “Skaneri”.
Si rezultat i këtij operacioni, u vunë në pranga shtetasit:
– A. M., 51 vjeç, banues në Tiranë, me profesion teknik imazherie.
