SARANDË– Gazmend Caushaj, 50 vjeç ka mbetur i plagosur rëndë këtë të premte në Sarandë pasi u përfshi në aksident. Raportohet se 50-vjeçari ka qenë duke u kthyer nga puna kur ka humbur kontrollin e mjetit dhe është përplasur me barrierat anësore. Pas marrjes së ndihmës së parë ai është transportuar drejt spitalit të Traumës. Fatmirësisht ndodhet jashtë rrezikut për jetën.
NJOFTIMI I POLICISË:
Specialistët e Qarkullimit Rrugor referuan materialet në Prokurori, për veprën penale “Shkelja e rregullave të qarkullimit rrugor”, në ngarkim të shtetasit shtetasi G. C., 50 vjeç, banues në Sarandë, pasi gjatë orëve të para të datës 14.07.2023, ky shtetas, duke drejtuar automjetin, në aksin rrugor Borsh-Sarandë, dyshohet se ka humbur kontrollin dhe për pasojë automjeti është përplasur me barrierat anësore të rrugës. Pas mjekimit në spitalin e Sarandës, 50-vjeçari është dërguar në Spitalin e Traumës, Tiranë. Materialet procedurale i kaluan Prokurorisë së Sarandës, për veprime të mëtejshme.
