LIBRAZHD-Një aksident u regjistrua pak më parë në Librazhd në vendin e quajtur “Ura e Murrashit”. Raportohet se një makinë me targa greke ka dalë nga rruga dhe ka përfunduar në ujërat e lumit Shkumbin.
Shkak për këtë aksident dyshohet të jetë bërë shpejtësia e lartë dhe lagështia në rrugë. 35-vjeçari Fatmir Popja është nxjerrë nga makina dhe nuk ka pësuar dëmtime serioze. Ai u transportua në spital ku ndodhet jashtë rrezikut për jetën nën kujdesin e bluzave të bardha.
