GRAMSH-Gjykata e Elbasanit ka pezulluar nga detyra punonjësin e policisë Ilirjan Braçja pasi akuzohet për shpërdorim detyre. Sipas Agjensisë së Mbikqyerjes Policore ai ka qenë në dijeni të makinave të ngarkuara me lëndë drusore të prerë të mënyrë të paligjshme dhe nuk i ka ndaluar dhe vepruar. Po ashtu AMP bën me dije se Braçja ka orientuar personat që prisnin drurë në mënyrë të jashtëligjshme konkretisht të identifikuar me inicilaet N.T dhe Z.T që të fshihnin makinat në momentin që kolegët e tij ushtronin kontrolle në zonë.
NJOFTIMI:
Drejtoria Rajonale e Agjencisë së Mbikëqyrjes Policore Elbasan-Korçë ka ekzekutuar sot vendimin e Gjykatës së Rrethit Gjyqësor Elbasan, e cila pezulloi nga detyra një polic. Bëhet fjalë për punonjësin e policisë Inspektor I. B., me detyrë Trupë Shërbimi në Komisariatin e Policisë Gramsh, i dyshuar për kryerjen e veprës penale “Shpërdorim detyre”.
Nga hetimet e kryera nga AMP, rezulton se punonjësi i mësipërm ka qenë në dijeni të faktit të paligjshmërisë së shtetasve N. T. dhe Z. T., të cilët i ka orientuar që t’i shmangen kontrolleve të policisë duke spostuar shërbimet gjatë kohës që është në detyrë.
Gjithashtu, ai i ka orientuar këto subjekte t’i fshehin automjetet e tyre me lëndë drusore të prerë në mënyrë të paligjshme gjatë operacioneve policore të kryera nga efektivët e tjerë të Komisariatit të Policisë Gramsh, duke dekonspiruar kolegët e tij gjatë kryerjes së detyrës. Hetimet në lidhje me këtë procedim penal vazhdojnë për identifikimin e personave të tjerë të përfshirë në këtë paligjshmëri. Hetimet në lidhje me këtë procedim penal vazhdojnë për identifikimin e përsonave të tjerë të përfshirë në këtë paligjshmëri.AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.
