BULQIZË– Një aksident i rëndë është regjistruar pasditën e kësaj të mërkure në aksin e rrugës së Arbrit, Bulqizë-Shupenzë. Raportohet se një makinë tip “Audi” ka dalë nga rruga dhe ka përfunduar disa metra jashtë saj. Për pasojë ka mbetur i plagosur drejtuesi i mjetit, 25-vjeçari Ramadan Meta. Aksidenti është pikasur nga drejtuesit e tjerë të mjeteve që po kalonin në aks të cilët kanë lajmëruar ambulancën dhe policinë, të cilat mbërritën menjëherë në vendin e ngjarjes.
Meta është dërguar fillimisht në spitalin e Bulqizës për të marrë ndihmën e parë dhe më pas është nisur drejt spitalit të Traunmës për shkak të plagëve të rënda të marra si pasojë e aksidentit. Mësohet se është lajmëruar një helikopter për të bërë të mundur transportin e shpejtë të tij por për shkak të motit të keq ai e ka pasur të vështirë të ulet.
