LUSHNJE– Një 49-vjeçar ka rënë në prangat e policisë së Lushnjës ditën e sotme pasi akuzohet se ka kërcënuar një person. Ilir Elmazi dyshohet se ka kanosur me thikë dhe ka goditur me grushte, një person, për dhënien e një shume parash.
NJOFTIMI I POLICISË:
Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin I. E., 49 vjeç, banues në Lushnjë, për veprën penale “Shtrëngimi me anë të kanosjes ose dhunës për dhënien e pasurisë”, pasi dyshohet se ka kanosur me mjet prerës (thikë) dhe ka goditur me grushte, një shtetas, për dhënien e një shume parash. Materialet i kaluan Prokurorisë, për veprime të mëtejshme procedurale.
