BERAT– Një aksident i rëndë ësgtë regjistruar mbrëmjen e kësaj të shtune në Berat. Raportohet se një kamionçinë në dalje të Berat ka përplasur e më pas tërhequr zvarrë 40-vjeçarin Arben Kanaçi, i cili ka qenë duke kaluar rrugën.
Ai është transportuar në Spitalin e Traumës për shkak të plagëve të marra dhe mësohet se ndodhet në gjendje të rëndë.
Drejtuesi i mjetit pas ngjarjes është larguar menjëherë duke e lënë Kanaçin të shtrirë në rrugë. Ai është parë nga këmbësorët të cilët kanë lajmëruar policinë e ambulancën që e kanë nisur me urgjencë drejt Tiranës.
