POGRADEC– Arian Mema, 55 vjeç është vënë në prangat e Policisë së Pigradecit mbrëmjen e kësaj të diele pasi akuzohet për ngacmim seksual ndaj një 25-vjeçareje. Raportohet se referuar deklarimeve të vajzës rezultoi se ajo ishte ngacmuar seksualisht në vendin e saj të punës nga Mema dhe për pasojë kishte humbur ndjenjat nga tronditja.
Blutë e Pogradecit bëjnë me dije se 25-vjecarja vuante nga epilepsia dhe ka pësuar tronditje emocionale për shkak të ngacmimit nga 55-vjeçari. Ngjarja ka ndodhur teksa Mema ka qenë duke montuar një panel diellor në subjektin ku vajza punonte si pastruese.
Kush është Arian Mema?!
Arian Mema është i njohur për Policinë, pasi për një ngjarje të tillë është akuzuar edhe në 2020, vit kur punonte si inspektor tatimesh në Drejtorinë e Tatimeve të Korçës. Pas arrestimit të atëhershëm, ai u shkarkua nga puna dhe punonte në sektor privat me shitje dhe montim panele diellorë.
