FIER– Ermal Sino, 42 vjeç është arrestuar këtë të premte nga Policia e Fierit pasi ishtw shpallur në kërkim tre ditë më parë për plagosje. Raportohet se Sino pas një debati me fqinjin për ballkonin e ka goditur këtë të fundit me çekip dhe është larguar.
NJOFTIMI I POLICISË:
Fier Goditi me send të fortë (çekiç) në kokë, një shtetas, kapet dhe vihet në pranga 42-vjeçari i shpallur në kërkim 3 ditë më parë.
Në vijim të punës lokalizuese dhe operacionale, më qëllim kapjen e shtetasve të shpallur në kërkim për vepra të ndryshme penale, shërbimet e Komisariatit të Policisë Fier, falë dhe mbështetjes së inteligjencës informative, ndaluan shtetasin E. S., 42 vjeç.
42-vjeçari ishte shpallur në kërkim pasi më datë 02.05.2023, në lagjen “29 Nëntori”, Fier, dyshohet se për motive të dobëta, ka goditur me send të fortë (çekiç) në kokë, shtetasin Q. H., 55 vjeç, banues në Fier.
55-vjeçari pas marrjes së asistencës mjekësore, u largua në banesë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
