DURRËS– Grabitet banesa e gjyqtares Shpëtime Pitaku në Durrës. Raportohet se grabitësit i kanë marrë 2 mijë euro dhe disa bizhuteri, vlera e të cilëve nuk është bërë me dije. Denoncimi në Polici është bërë nga Pitaku, e cila ka deklaruar dhe shumën e marrë dhe sendet me vlerë.
Gjyqtarja e Durrësit Shpëtime Pitaku është kallëzuar penalisht në vitin 2015 nga ILDKPKI për pastrim parash dhe fshehje e një pasurie me vlerë 1 milionë dollarëve amerikanë. Ministria e Drejtësisë ka kërkuar ndëshkimin e saj, por në fund të hetimeve nuk iu gjet asnjë shkelje. Në deklaratën e saj të pasurisë, vetëm për vitin 2015 që ka dorëzuar pranë ILDKP, gjyqtarja thotë se ka 5 lokale; nga qeratë e të cilave raporton se ka marrë 9 600 euro, 360 000 lekë, 1 200 euro, 1 200 euro dhe 1 800 euro.
Po ashtu, deklaronte edhe një sipërfaqe trualli 650 m2 dhe sipërfaqe ndërtimi 442 m2, në bashkëpronësi. Megjithatë, Pitaku pohon se ka marrë edhe një kredi në shumën 60 mijë euro, për blerjen e një shtëpie me sipërfaqe 135 m2; e po ashtu për blerjen e një makine Audi A3.
