DURRËS– Miklovan Hasani, 26 vjeç është vënë në prangat e Policisë së Durrësit këtë të enjte pasi akuzohet si autor i të paktën tre vjedhjeve me dhunë në qytetin bredetar. I riu së bashku me bashkëpunëtorin e tij, të identifikuar me inicialet P.C janë autorë të vjedhjeve me dhunë të një varëse floriri, një unaze dhe një celulari.
NJOFTIMI I POLICISË:
Durrës/Vijon operacioni policor i koduar “Seriali”. Lokalizohet, kapet dhe vihet në pranga 26-vjeçari i shpallur në kërkim në kuadër të këtij operacioni, si bashkautor i dyshuar i disa vjedhjeve me dhunë. Si rezultat i operacionit “Seriali”, të zhvilluar 5 ditë më parë, u zbardhën 3 vjedhje me dhunë të sendeve personale, si dhe u kap në flagrancë bashkëpunëtori i 26-vjeçarit. Shërbimet e Komisariatit të Policisë Durrës, si rezultat i veprimeve të shpejta operacionale, të kryera në vijim të operacionit policor të koduar “Seriali”, operacion i cili zbardhi 3 raste të vjedhjeve me dhunë, të kryera gjatë këtij muaji, kapën dhe ndaluan shtetasin e shpallur në kërkim:
– M. H., 26 vjeç, banues në Durrës. Nga veprimet hetimore, dyshohet se 26-vjeçari dhe shtetasi P. C. (i arrestuar më datë 06.05.2023, gjatë këtij operacioni) janë bashkautorë të vjedhjeve me dhunë të një varëse floriri, një unaze dhe një celulari, në pronësi të 3 shtetasve të ndryshëm. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
