LUSHNJE– Një 58-vjeçare e identintifikuar si Shpresa Cani nga fshati Çinar i Lushnjes ka ndërruar jetë në ambientet e bremdshme të bashkisë konkretiaht në zyren e kryetares së bashkisë Eriselda Sefo.
Mësohet se gruaja ka shkuar në ambinetet e bashkisë pasi i kishin hequr ndihmën ekonomike. Kur ka shkuar në zyrën e Informacionit ata e kanë drejtuar tek Drejtoria e Ndihmës Sociale ku ajo ka debatuar ashpër me punonjesen rreth faktit se pse i kanë hequr ndihmën sociale dhe ëahtë nxjerrë me forcë nga zyra.
Më pas Shpresa Cani ka kërkuar një takim me kryetaren e bashkisë dhe është ngjitur në katin e dytë ku ndodhet zyra e saj. Sapo ka kryer takimin ajo është ndier keq dhe është lajmëruar ambulanca e spitalit Lushnje, por më kot pasi 58-vjeçarja tashmë kishte ndërruar jetë.
Pas kësaj ngjarjeje policia e Lushnjes ka referuar materialet në Prokurori, për të hetuar shkaqet e vdekjes së 58-vjeçares. Akoma më tronditëse është fakti që sipas ‘Tvklan’, kryebashkiakja Eriselda Sefa ka kërkuar të therej një pulë e zezë në ambientet e bashkisë.
