SHKODËR– Pas 3-vjetesh në kërkim merr fund arratia për 32-vjeçarin Dedë Nika, i cili akuzohet për vendosjen e eksplozivit në shtëpinë e oficerit të policisë Prelë Milani dhe në atë të Zef Bungajës, ngjarje të ndodhura më 4 janar 2020.
Shpërthimi i tritolit në banesën e efektivit të policisë ndodhi në vitin 2020. Në momentin e shpërthimit në shtëpi kanë qenë bashkëshortja dhe vajza e Prelë Milanit ndërsa ky i fundit ka qenë në makinë duke shkuar në punë.
Dhe pse e ndjeu shpërthimin e fuqishëm ai nuk memdoi se ishte në shtëpinë etij dhe vijoi rrugën derisa u mor në telefon nga familjarët. Në atë kohë ai shprehej se ngjarja ka ndodhur për shkak të detyrës si efektiv policie por dhe si komandant poste në Theth. Sipas tij shkak mund të jenë bërë problematikat e shumta me kultivimin e drogës në atë kohë.
