POGRADEC– Jonel Dushku, 35 vjeç ka humbur jetën këtë të enjte teksa priste brenda një banke në Pogradec. Raportohet se shkak i vdekjes të jetë bërë një goditje në zemër. I riu në momentin që është ndjerë keq dhe është shembur në tokë ka qenë duke kryer disa veprime bankare në një nga sportelet e bankës.
Dushku ka ndërruar jetë në vend. Policia dhe grupi hetimor kanë mbërritur në vendin e ngjarjes dhe po punojnë për zbardhjen e plotë të shkaqev të vdekjes. Ndërkohë pritet që të kryhet ekspertiza mjeko-ligjore, e cila do të hedhë dritë mbi vdekjen e të riut.
