PUKË– Klaudio Prendi është 26-vjeçari, i cili qëlloi me armë zjarri në ajër pak pas mesnate në aksin rrugor Pukë-Fushë Arrëz teksa makina ishte në ecje. Mësohet se i riu është djali i ish-gjyqtarit Fran Prendi, i cili u dorëhoq pasi filloi vetingu. Prendi është krahu i kandidatit të koalicionit “Bashkë Fitojmë” për bashkinë e Pukës Rrok Dodaj. I riu është shpallur në kërkim dhe po kërkohet nga Policia.
Ndërkohë kryebashkiaku socialist i Pukës Gjon Gjonaj, i cili kërkon njjë mandat tjetër në këto zgjedhje më herët e ka cilësuar ngjarjen si një sulm me prapavijë politike që bëhet për të trembur dhe bërë presion mbështetësve të Partisë Socialiste. Ndërkohë nga Partia Demokratike nuk kemi ende asnjë reagim ashtu sikurse as nga kandidati Dodaj.
