KAVAJË– Gruaja që shihni në foto është Rovena Cara, 30-vjeçarja qëë humbi jetën këtë të premte në vendin e quajtur Përroi i Rikaj në Kavajë. Mjeti tip “Golf” me të cilin ajo udhëtonte doli nga rruga dhe përfundoi në kanal. E reja ndërroi jetë në vend. Mësohet se Cara ka lënë pas një fëmijë të vogël.
NJOFTIMI I POLICISË:
Më datë 10.03.2023, në vendin e quajtur Përroi i Rikaj, Kavajë, shtetasja R. C., 30 vjeçe, duke drejtuar automjetin e saj, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë e aksidentit 30-vjeçarja ka ndërruar jetë në vendngjarje.
