LEZHË– Drejtori i filialit të Postes Shqiptare në Lezhës, Pjerin Çuku, është dhunuar mbrëmjen e sotme. Ngjarja ka ndodhur në lagjen Gurra të Lezhës. Ai është dërguar menjëherë në spital për të marrë ndihmën e nevojshme mjekësore por ende nuk është bërë e ditur gjendja e tij. Mbeten ende mister arsyet që çuan në dhunimin e tij dhe as nëse Çuku ka pasur ndonjë konflikt personal apo për shkak të detyrës muajt e fundit.
Ndërkohë lidhur me ngjarje ka reaguar Policia e Lezhës, e cila bën me dije se Pjerin Çuku është dhunuar nga dy persona që më pas janë larguar me vrap nga vendi i ngjarjes. Blutë e Lezhës bëjnë me dije se vijon puna për identifikimin dhe kapjen e autorëve.
NJOFTIMI I POLICISË:
Sot, më datë 26.12.2022, rreth orës 16:35, në lagjen “Gurra”, Lezhë, dy persona janë konfliktuar me grushte me shtetasin P. Ç., 42 vjeç, banues në Lezhë, me detyrë drejtor i Postës Shqiptare, dega Lezhë dhe më pas janë larguar me vrap. Grupi hetimor nën drejtimin e Prokurorisë po punon për zbardhjen e motiveve të ngjarjes, identifikimin dhe kapjen e autorëve.
