POLIÇAN– Elsid Molla, 36 vjeç është vënë këtë të martë në prangat e Policisë së Poliçanit pasi kishte kryer qitje me armë zjarri në një zonë jashtë qendrave të banuara. Ai u vu në prangat nga grupi i forcave “Shqiponja” teksa ishte duke udhëtuar me një automjet në tentativë për tu larguar nga vendi i ngjarjes pasi qëlloi në ajër. Arma iu sekustrua në ciilësinë e provës materiale.
NJOFTIMI I POLICISË:
Shërbimet e Komisariatit të Policisë Poliçan, menjëherë pas informacioneve të marra se një shtetas kishte kryer qitje me armë zjarri, në një zonë jashtë qendrave të banuara, kanë organizuar punën për identifikimin dhe kapjen e tij. Si rezultat i veprimeve të shpejta hetimore dhe procedurale, të mbështetura nga inteligjenca policore, është bërë i mundur identifikimi, kapja dhe vënia në pranga e shtetasit E. M., 36 vjeç, banues në Otllak, Berat. Shërbimet e Forcës së Posaçme “Shqiponja” të DVP Berat e kanë ndaluar 36-vjeçarin teksa drejtonte një automjet, në fshatin Mbrakull, Poliçan, menjëherë pasi kishte kryer qitjen me armë zjarri automatik, në një zonë jashtë qendrave të banuara. Gjatë kontrollit në automjetin që drejtonte shtetasi E. M., shërbimet e Policisë kanë gjetur një armë zjarri automatik dhe 4 gëzhoja, të cilat u sekuestruan në cilësinë e proves materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
