ELBASAN– Mikel Rexhepi, 24 vjeç është arrestuar këtë të hënë nga policia e Elbasanit pasi akuzohet se prej një viti ka përndjekur një 17-vjeçare. Përmes një njoftimi për mediat blutë e Elbasanit bëjnë me dije se i riu e ka ndjekur adoleshenten prej një viti në rrugët e qytetit sa herë që ajo dilte. Pas denoncimit të bërë në polici është bërë i mundur dhe arrestimi i tij.
NJOFTIMI I POLICISË:
Përndoqi në rrugë, për 1 vit, një 17-vjeçare, pas kallëzimit të saj në Polici, kapet dhe vihet në pranga 24-vjeçari. Specialistët për Hetimin e Krimeve të Komisariatit të Policisë Elbasan, pas kallëzimit të marrë nga një shtetase 17 vjeçe, se shtetasi M. R. e përndiqte në rrugë, në mënyrë të vazhdueshme, prej 1 viti, organizuan punën për lokalizimin dhe kapjen e këtij shtetasi. Bazuar dhe në informacionet e siguruara në rrugë operative, u bë e mundur kapja dhe ndalimi shtetasit M. R., 24 vjeç, banues në Elbasan. Materialet procedurale i kaluan Prokurorisë, për veprime të mëtejshme.
