ITALI-Një ngjarje e rëndë është shënuar ditën e sotme në Itali ku një 49-vjeçar shqiptar i identifikuar si Roland Muça ka humbur jetën pasi u përplas për vdekje nga një makinë tip Smart. Ngjarja e rëndë ndodhi në Rancavilla al Mare, në provincën e Chieti në Itali.
Në momentin që është përplasur nga makina ai ka qenë duke kaluar rrugën pasi kishte ndaluar për të mbledhur disa hurma në një pemë. Ai u transportua menjëherë në spital po nuk arriti të mbijetojë. Ai ndërroi jetë në reanimacion pasi qëndroi për 4 orë në koma. 49-vjeçari ishte i martuar dhe baba i dy fëmijëve.
