SARANDË– Elio Raku, 17-vjeçari që shkaktoi aksidentin tragjik ku dy italianë humbën jetën është vënë në prangat e Policisë së Sarandës këtë të enjte. Aksidenti i rëndë u regjistrua pak pas mesnate në aksin rrugor Sarandë–Ksamil. 17-vjeçari, i cili ishte na makinë dhe me një 16-vjeçar, të dy përfunduan në spital për shkak të lëndime të marra nga përplasja e fortë. Makina tip “Benz” u përplas me motorin ku gjendeshin Domenico Gritto dhe Vicenzo Tizziano duke shkaktuar përplasje fatale.
Ndërkohë si pasojë e këtij aksidenti të rëndë Drejtori i Përgjithshëm i Policisë së Shtetit Muhamet Rrumbullaku ka pezulluar nga detryra Shefin e Seksionit të Policisë Rrugore në Komisariatin e Policisë Sarandë Adriatik Shehu ndërsa nën hetim është vënë gjithë zinxhiri komandues në Policisë e Sarandës. Ndërkohë është ngritur një grup i posaçëm për hetimin e ngjarjes.
