VLORË– Ka marrë fund shumë shpejt arratia për 38-vjeçarin që plagosi pak minuta më parë më armë zjarri 40-vjeçarin Dëfrim Pashaj. Ledjon Zahaj është vënë në pranga nga blutë e Vlorës. Sipas policisë, e cila ka dalë me një njoftim zyrtar në lidhje me ngjarjen konflikti ka ndodhur si pasojë e sherri të çastit për motive të dobëta mes të dyve. Mësohet se të dy, autori dhe i plagosuri banojnë në lagjen “10 korriku” të qytetit bregdetar
NJOFTIMI I POLICISË:
Plagosi me armë zjarri, një 40-vjeçar, falë reagimit në kohë nga Policia, kapet dhe vihet në pranga autori i dyshuar. Gjatë kontrollit të banesës së autorit, Policia ka gjetur dhe sekuestruar një armë gjahu. Rreth orës 16:00, në lagjen “10 Korriku”, shtetasi L. Z., 38 vjeç, dyshohet se pas një konflikti për motive të dobëta, ka plagosur me armë zjarri, shtetasin D. P., 40 vjeç, të dy banues në lagjen “10 Korriku”, Vlorë. Shërbimet e Policisë, falë koordinimit në kohë me sallën e operative të DVP Vlorë, kanë bërë të mundur menjëherë kapjen dhe neutralizimin e autorit të dyshuar, shtetasit L. Z. Ndërkohë, i plagosuri, shtetasi D. P., aktualisht po merr ndihmë mjekësore në spital dhe ndodhet jashtë rrezikut për jetën. Nën drejtimin e Prokurorisë vijojnë veprimet për dokumentimin e plotë të rrethanave të ngjarjes.
