SHKODËR– Aldo Hasani është shpallur në kërkim nga policia e Shkodrës si autor i plagosjes së trefistë brenda një lokali në afërsi të poliklinikës. Blutë e Shkodrës përmes një njoftimi bëjnë me dije se Hasani pas konflktit me tre bashkëmoshatarët e tij ka nxjerrë thikën dhe i ka plagosur. Ata ndodhen në spital nën kujdesin e bluzave të bardha ndërsa për njërin prej tyre raportohet se është në gjendje të rëndë. Policia po bën krehjen e zonës me qëllim kapjen e autorit.
NJOFTIMI I [POLICISË:
Rreth orës 12:30, në lagjen “Qemal Stafa”, në rrethana ende të paqarta, shtetasi A. H., rreth 18 vjeç ka dëmtuar me mjet prerës 3 bashkëmoshatarë të tij të cilët po marrin asistencën mjekësore në spital. Shërbimet e Policisë janë vënë të ndjekje të autorit dhe po ushtrojnë kontrolle në zonë, me qëllim kapjen e tij. Gjithashtu, grupi hetimor vijon punën për sqarimin e plotë të rrethanave të kësaj ngjarjeje
