SHKODËR– Një ngjarje e rëndë është regjistruar më orët e para në lagjen Dobrap në Shkodër. Raportohet se një sasi tritoli ka shpërthyer në banesën e shefit të krimeve në Shkodër Pëllumb Shpati. Mësohet se për pasojë ka vetëm dëme materiale.
NJOFTIMI I POLICISË:
Shkodër/Informacion paraprak Rreth orës 03:50, në lagjen Dobraç, ka shpërthyer një sasi lënde plasëse, përpara banesës së shtetasit P. Sh., me detyrë shef i Seksionit për Hetimin e Krimeve, në Komisariatin e Policisë Shkodër. Si pasojë janë shkaktuar dëmtime të lehta në banesën e tij, si dhe është dëmtuar automjeti i tij.Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve. Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.
