TIRANË– Një 30-vjeçar ka rënë në prangat e Policisë pasi u ka duke trafikuar kanabis në rrugët e kryeqytetit. Ramiz Rroja u kap në flagrancë duke transportuar me makinë 1.1 kg kanabis. Në cilësinë e provës materiale janë sekuestruar dy telefona cellular, një peshore elektronike dhe makina që përdorte i riu.
NJOFTIMI I POLICISË:
Tiranë Finalizohet operacioni policor i koduar “Green pack”, për goditjen e shpërndarjes së lëndës narkotike kanabis. Operacioni, i zhvilluar nga Komisariati i Policisë Nr. 2, në bashkëpunim me Seksionin për Hetimin e Narkotikëve të DVP Tiranë. Sekuestrohen një pako me lëndë narkotike kanabis, me peshë 1.1 kg, një peshore elektronike dhe dy aparate celulare. Arrestohet në flagrancë 30-vjeçari që e transportonte me automjet, pakon me lëndë narkotike. Shërbimet e Komisariatit të Policisë Nr. 2, në bashkëpunim me specialistët e Seksionit të Hetimit të Narkotikëve, në vijim të operacioneve për goditjen e veprimtarive kriminale në fushën e narkotikëve, të mbështetura nga inteligjenca operative, për një rast të shpërndarjes së lëndëve narkotike, kanë organizuar dhe kanë finalizuar operacionin policor të koduar “Green pack”.
