BRITANI– Një 22-vjeçar shqiptar i identifikuar si Xhesi Hajdari ka rënë në prangat e policisë pasi u kap në flagrancë në një “shtëpi bari”. Ai u kap falë një aksioni të gjërë policor që ngjasonte me atë të filmave aksion të kryer në Bermingam.
Sipas mediave të huaja ai është përpjekur të arratiset në momemtin që ka pikasur policinë! Në tentativë për të ikur ai ka hipur në çatinë por është rrëzuar. Ndërkohë oficerët kontrolluan shtëpinë dhe zbuluan më shumë se 150 bimë kanabisi. Energjia elektrike gjithashtu ishte rilidhur në mënyrë të rrezikshme.
Në dëshminë e dhënë para trupit gjykues tha se kishte ardhur në Britaninë e Madhe nga Shqipëria pasi një ‘gjakmarrje’ shkatërroi familjen e tij. Ai u dënua me shtatë muaj dhe u burgos menjëherë. Policia ka bastisur pronën më 7 nëntor të këtij viti.
“Z. Hajdari u ngjit në çati. Ai u pa nga oficerët duke dalë nga dritarja dhe më pas u rrëzua papritur nga çatia. Kur z. Hajdari u gjykua i aftë dhe i aftë për t’u dërguar në komisariat, ai u intervistua nga një avokat dhe një përkthyes”, tha prokurori i çështjes.
Ai gjithashtu tha se erdhi në Angli për të punuar në ndërtim, por takoi dy shqiptarë që e çuan në Westfield Road, ndërsa detyra e tij në fermën e kanabisit ishte mirëmbajtja e tyre dhe rritja.
