DURRËS– Një 37-vjeçare e identifikuar si Belinda Bulku është arrestuar këtë të enjte nga policia e Durrësit pasi dyshohet se gjatë kohës që punonte në një bankë në qytet u ka vjedhur klientëve shumta të ndryshme parash. Bulku ishte shpallur në kërkim nga blutë e Durrësit pasi Gjykata kishte dhënë ndaj saj masën e sigurisë ‘Arrest me burg’ për për veprën penale “Vjedhja duke shpërdoruar detyrën”.
NJOFTIMI I POLICISË:
Strukturat hetimore të DVP Durrës ndaluan shtetasen e shpallur në kërkim B. B., 37 vjeçe, banuese në Durrës, të cilës Gjykata e Rrethit Gjyqësor Durrës i ka caktuar masën e sigurisë “Arrest në burg”, për veprën penale “Vjedhja duke shpërdoruar detyrën”, pasi dyshohet se në subjektin privat (bankë) ku kjo shtetase punonte, u ka vjedhur shuma të ndryshme parash, klientëve të këtij subjekti.
