ITALI– Një aksident i rëndë i ka marrë jetën një 18-vjeçari shqiptar në Itali. Ngjarja tragjike ndodhi mbrëmjen e djeshme në Caselle Torinese. Blend Halili u përplas në murin e objektit të një ish-fabrike përderisa ishte duke drejtuar një makinë, të tipit “Ford Ka”. Besohet se makina ishte pronë e babait të tij dhe se nuk kishte patentë shoferi.
Bashkë me të në makinë ndodheshin edhe dy shokë të tij 18-vjeçarë dhe një i mitur. Ata kanë marrë lëndime të shumta dhe ndodhen në spital në gjendje të rëndë për jetën. Të katër të rinjtë e përfshirë në aksident janë banorë të Caselle dhe po ktheheshin në shtëpi pas një mbrëmjeje të kaluar së bashku.
