ELBASAN– Ka ndërruar jetë në burgun e sigurisë së lartë në Peqin Edmond Batra alias (Edi) Mond Batra, një i dënuar me burgim të përjetshëm pasi në vitin 1997 kishte grabitur me armë zjarri dhe ekzekutuar kambistin Lulash Kroni dhe muzikantin Marian Trepçi. Për këto dy vrasje, ai ishte dënuar nga gjykata e Apelit në Tiranë me burgim të përjetshëm. Batra ka vdekur si pasojë e një infarki.
Panorama shkruan se 46-vjeçari Edmond Brata ka humbur ndjenjat teksa ishte në orarin e ajrimit. Momentet kur ai ka rënë në tokë janë të fiksuara dhe nga kamerat e vetë insitucionit të vuajtjes së dënimit.
Dy viktimat e tij, i pari Lulash Kroni, në momentin e vjedhjes punonte si kambist në Shkodër. Batra hyri në banesë ta grabiste dhe kur pa se Kroni e pa, shtiu në armë duke e vrarë. Kjo vrasje, nisi një zinxhir hakmarrje mes dy fiseve pasi i biri i Lulash Kronit, Arti Kroni shkoi 6 muaj pas vrasjes së babait, në Milano të Italisë ku vrau vëllain e Edmond Batrës, Landi Batrën.
Hakmarrja vazhdoime vrasjen e tij në Kolumbi kohë pas ngjarjes. Vrasja e dytë ajo e muzikantit Marjan Trepçi, ka ndodhur gjithashtu në Shkodër. Grabitësit kanë hyrë në oborr për ti vjedhur makinën dhe në momentin që ai iu ka folur, e kanë qëlluar për vdekje.
