TIRANË– Edison Lazri, i cili drejtonte automjetin tip “Mercedez Benz” me targa angleze është arrestuar nga policia e Dibrës pas aksidentit tragjik me tre të vdekur dhe katër të plagosur në Rrugën e Arbrit. Masa i është komunikuar në ambientet e spitalit të Traumës ku po merr ndihmën mjekësore për shkak të frakturave të shumta të shkaktuara nga përplasja e fortë.
NJOFTIMI I POLICISË:
Specialistët e Sektorit të Policisë Rrugore në DVP Dibër, arrestuan shtetasin E.L., 28 vjeç, banues në fshatin Bllatë, Dibër. Arrestimi i tij u bë pasi me datë 04.01.2023 rreth orës 18.15, në aksin rrugor Bulqizë-Maqellarë në urën e fshatit Gjoricë duke drejtuar automjetin tip ‘Benz’, është përplasur me një automjet tjetër tip ‘Benz’, që drejtohej nga shtetasi K.I., 55 vjeç, banues në Maqellarë. Si pasojë e këtij aksidenti humbi jetën drejtuesi i mjetit shtetasi K.I., dhe dy pasagjerët M.I(D), 74 vjeç; L.I., 51 vjeçe. Po si pasojë e këtij aksidenti mbetën të lënduar shtetaset F.I., 55 vjeçe; K.M., 18 vjeçe; M.L., 24 vjeç dhe shtetasi E.L, të cilët po marrin ndihmë mjekësore në spital. Materialet procedurale i kaluan Prokurorisë pranë Gjykatës së Shkallës së Parë Dibër për veprime të mëtejshme.
Si pasojw e aksidentit tw rwndw humbwn jetwn tre persona. Çifti i bashkwshortwve Kujtim e Lulzime Istrefi si dhe vwllai i Kujtimit Murat Istrefi. Dy vwllezwrit hiumbwn jetwn nw vend ndwrsa Lulzime Istrefi humbi jetwn rrugws pwr nw spitalin e Dibrws pwr shkak tw bplagwve tw marra nga goditja e fortw qw ndau makinwn e viktimave mw dysh.
