MAT– Një 29-vjeçar i identifikuar si Hulk Dedja është shpallur në kërkim këtë të mërkurë nga Policia e Matit pasi ka kanosur për motive të dobëta një person brenda ambienteve të një lokali. Ndërkohë blutë e Matit kanë gjetur dhe sekuestruar 12 targa makine, një fenelinë, një rrip multifunksional si ata të policisë dhe 1 krëhër kallashnikovi. Hulk Dedja rezulton të jetë një person me precedentë të theksual kriminal. I riu është dënuar më parë për vrasje të mbetur në tentativë dhe armëmbajtje pa leje.
Dedja në vitin 2011 ka tentuar të ekzekutojë Ismet Kolën dhe nipin e tij Bashkim Dërvishin për të marrë hak për vrasjen e babait të tij. Dedja ka qëlluar në drejtim të makinës ku udhëtonin Ismet Kola dhe nipi i tij Bashkim Dervishi. Për pasojë Kola u plagos me dy plumba në bark, ndërsa Dervishi në shpatullën e djathtë. Ndërkohë mes fiseve erkzsi=ton një histori e gjatë hasmëri e gjakmarrjeje.
NJOFTIMI I POLICISË:
Mat/Kanosi një shtetas për motive të dobëta, shpallet në kërkim 29-vjeçari. 29-vjeçari më precedent të theksuar kriminal, i dënuar më parë për vrasje të mbetur në tentativë dhe armëmbajtje pa leje. Gjatë kontrollit të banesës, Policia gjen dhe sekuestron 12 targa automjetesh (2 prej të cilave me mbishkrimin “Policia”, 4 targa të huaja dhe 6 targa shqiptare), një fenelinë, një rrip multifunksional si ata të policisë dhe 1 krëhër kallashnikovi
Shërbimet e Komisariatit të Policisë Mat, pas marrjes së njoftimit në rrugë operative se në një lokal në qytetin e Burrelit, një shtetas me precedent të theksuar kriminal kanoste një shtetas tjetër për motive të dobëta, menjëherë kanë shkuar në adresën e marrë. Shtetasi H.D., pasi ka kanosur shtetasin tjetër është larguar menjëherë nga ambientet e lokalit.
Shërbimet e Policisë kanë ushtruar kontroll në banesën e këtij shtetasi ku gjatë kontrollit janë gjetur dhe sekuestruar në cilësinë e provës materiale 12 targa automjetesh (2 prej të cilave me mbishkrimin “Policia”, 4 targa të huaja dhe 6 targa shqiptare), një fenelinë, një rrip multifunksional si ata të policisë dhe 1 krëhër kallashnikovi.
Specialistët për Hetimin e Krimit të Komisariatit të Policisë Mat, në përfundim të veprimeve të para hetimore kanë shpallur në kërkim shtetasin H.D., 29-vjeç, banues në Burrel. Vijon puna intensive për kapjen e shtetasit H.D., si dhe të personave të tjerë që shoqëronin këtë shtetas, ku për arsye hetimi nuk bëjmë me dije të dhënat e tyre. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprat penale “Kanosja”, “Mbajtja pa leje dhe prodhimi i armëve, armëve shpërthyese dhe i municionit”, “Mbajtja pa të drejtë e uniformës”.
