KORÇË- Personi që shihni në foto është Ervis Rrapo, kryeplaku i fshatit Rehova të Korçës, i cili ka përdhunuar një 23-vjeçare me probleme të shënderit mendor. Denoncimin në polici e ka bërë babai i vajzës pasi ka parë Rrapon të dalë nga banesa e tij.
NJOFTIMI I POLICISË:
DVP Korçë/Vihet në pranga 1 shtetas dhe procedohen në gjendje të lirë 2 të tjerë, për vepra të ndryshme penale.
-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. Rr., 29 vjeç, banues në një fshat të njësisë administrative Vithkuq, Korçë, pasi dyshohet se më datë 08.04.2023, ka kryer marrëdhënie seksuale me një 23-vjeçare, e pazotë për t’u mbrojtur.
-Po këta specialistë referuan materialet në Prokurori dhe filloi procedimi në gjendje të lirë për shtetasin F. M., 61 vjeç, banues në fshatin Porodinë, Korçë, pasi u kap duke kryer punime ndërtimi, pa lejen e organeve përkatëse.
-Specialistët për Hetimin e Krimeve të Komisariatit të Policisë Pogradec referuan materialet në Prokurori dhe filloi procedimi në gjendje të lirë për shtetasin R. H., 60 vjeç, banues në Pogradec, pasi në lagjen nr. 5, Pogradec, me vetëgjyqësi i ka bllokuar rrugën fqinjit të tij, me pretendimin se kalon në pronën e 60-vjeçarit.
Materialet procedurale i kaluan prokurorive të rretheve gjyqësore Korçë e Pogradec, për veprime të mëtejshme.
