DURRËS– Siar Konti është arrestuar nga Policia e Durrësit pasi akuzohet se është autori i vënies së zjarrit makinës tip “Ferrari” të reperit të njohur Rigels Rajku ose siç njihet me emrin e artit “Noizy“. Para efektivëve ai e ka pranuar ngjarjen dhe ka treguar se për të djeguar “Shakirën” siç reperi e kishte “pagëzuar” makinën ai është paguar 2000 euro. Emri i porositësit ende mbetet mister por sipas dëshimisë së autorit ai është paguar nga Kleviol Ahmetaj ose siç njihet me emrin artit “Cllevio Serbiano”. Makina kapte vlerën e plot 300 mijë eurove.
Policia ka shoqëruar në Polici ‘Cllevion’ por ky i fundit e ka mohuar përfshirjen e tij në ngjarje. Autori me origjinë nga Vlora është kapur nga kamerat e sigurisë në zonë dhe në vendin e ngjarjes. Makina ekspozohej dhe në videoklipe apo video në rrjetet sociale nga Noizy. Ky i fundit ende nuk ka reaguar në lidhje me ngjarjen.
