BRITANI- Një 30-vjeçar shqiptar është arrestuar në Britani pasi është kapur në flagrancë ndërsa kujdesej për rreth 300 bimë në një fermë kanabisi në Newcastle. Autoritetet bëjnë me dije se vlera e lëndës narkotike në treg shkonte nga 28 mijë -120 mijë paund. Mediat britanike raportojnë se bëhet fjalë për 30-vjeçarin Endrit Neza, i cili kishte hyrë për herë të dytë ilegalisht në Britani, pasi herën e parë u deportua më 2017. Gjykata britanike e ka dënuar shqiptarin me tetë muaj burg.
Gjykata dëgjoi se prona kishte një “strukturë profesionale” me gjashtë zona kultivimi dhe rreth 300 bimë në total. Pallister tha se kishte një rendiment të mundshëm nga tetë deri në 24 kg, me një vlerë të mundshme midis 28,000 dhe 120,000 £. Ndërkohë avokati i Nezës tha në seancë se klienti i tij nuk kishte qëllim të përgshihej në aktivitete kriminale për ishte i detyruar për shkak të kushteve ekonomike. Ai shtoi se anëtarët e bandës e kishin detyruar atë të përfshihej pasi e kërcënonin me jetën e të vëllait, të cilit i kishin mësuar adresën e shtëpisë në Shqipëri.
