TIRANË– Ka marrë fund arratia për të shumëkërkuarin e Policisë Gazment Kusta. Ai u arrastua mbrëmjen e sotme nga efektivët e Forcave Shqiponjave. Kusta ishte shpallur në kërkim që prej 22 shkurtit të këtij viti për dhunimin dhe kanosjen e Elvis Elezit në një lokal në zonën e Fushë-Krujës.
NJOFTIMI I PLOTË:
DVP Tiranë/Kontrolle të befasishme për kapjen e personave të shpallur në kërkim dhe vënien e tyre para përgjegjësisë ligjore. Kapet dhe vihet në pranga 1 shtetas i shpallur në kërkim. Shkon në 4 numri i personave të shpallur në kërkim, të kapur gjatë ditës së sotme. Shërbimet e Forcës së Posaçme “Shqiponja”, në vijim të punës për goditjen e paligjshmërive, mbështetur në inteligjencë informative, mbi vendndodhjen e një shtetasi në kërkim, kanë organizuar punën për kapjen e tij.
Në Rrugën e Kokonozëve, shërbimet e Forcës së Posaçme “Shqiponja”, kanë ndaluar mjetin me drejtues shtetasin A. O., 32 vjeç, dhe pasagjer shtetasin G. K., 35 vjeç. Pas verifikimeve të kryera ka rezultuar se 35-vjeçari ishte shpallur në kërkim për veprat penale “Kanosja”, “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”. Materialet i kaluan Prokurisë, për veprime të mëtejshme procedurale.
