PEQIN– Diell Çela, 55 vjeç ka mbetur i plagosur me armë zjarri këtë të mërkurë në Peqin. Raportohet se pas një sherri që ka degjeneruar në përdorimin e armës, Sokol Dehima ka qëlluar drejt Çelës, duke e lënë të plagosur. Ky i fundit është paraqitur në urgjencën e spitalit të Peqinit ku ndodhet dhe jashtë rrezikut për jetën.
Autori është shpallur në kërkim nga Policia ndërkohë janë ngritur pika të shumta kontrolli me qëllim kapjen e tij. Diell Çela nuk është një emër i panjohur në Peqin pasi më parë ka mbajtur detyrën e kryetarit të degës së PD-së në Peqin.
NJOFTIMI I POLICISË:
Rreth orës 11:10, në spitalin e Peqinit, është paraqitur për të marrë ndihmë mjekësore dhe ndodhet jashtë rrezikut për jetën, shtetasi D. Ç. 55 vjeç, banues në Peqin, i cili dyshohet se është dëmtuar me armë zjarri, gjatë një konflikti me shtetasin S. D., rreth 52 vjeç, banues në Peqin. Shërbimet e Policisë kanë ngritur pika kontrolli dhe janë duke kontrolluar territorin, me qëllim kapjen e autorit të dyshuar, shtetasit S. D. Grupi hetimor, në drejtimin e Prokurorisë, po punon për zbardhjen e rrethanave të ngjarjes.
