GREQI– Dionis Qoshku, 17 vjeç është adoleshenti me origjinë shqiptare, i cili humbi tragjikisht jetën një ditë më parë në aksin rrugor Kastel-Platanos, në fshatin Traqila, Greqi. Ndërsa vëllai i tij, Ersid Qoshku mbeti i plagosur. Ata po udhëtonin me motor kur u përplasën me një makinë. Lajmin e konfirmoi shoqata Shqiptare Kisamo, e cila me anë të një postimi në Facebook ku i ka shprehur ngushëllimet familjarëve si dhe ka shpërndarë fototn e të riut.
POSTIMI:
Një tragjedi e rëndë ka ndodhur sot në Kastel, në aksin rrugor Kastel Platanos, në fshatin Traqila rreth orës 9:30 të mëngjesit , një makinë turistësh ka bërë një kthesë të menjëhershme dhe si pasojë dy djemtë nga Librazhdi që ishin në motorr nga pas u përplasën me automjetin duke gjetur vdekjen 17 vjeçari Dionis Qoshku dhe vëllai i tij Ersid Qoshku , i cili gjendet në Spitalin e Haniasë ku bëri ndërhyrje kirurgjikale dhe është jashtë rrezikut për jetën . Është nga ngjarjet më të dhimbshme dhe i ka shokuar të gjithë njerzit vëndas dhe të huaj ,të mëdhenj e të vegjël , miq dhe shokë të familjes, bashkëmoshatarët e tij, të cilët nuk do donin të besonin se Dionisi nuk jeton më , kjo ngjarje është nga më të dhimbshmet që të shterojnë fjalët, dhimbja dhe pikëllimi nuk kanë të përshkruar I shprehim ngushëllimet më të sinqerta familjes , zoti u dhëntë kurajo për të përballuar këtë dhimbje të madhe I përjetshëm kujtimi yt Dionis.
