TIRANË– Një 48-vjeçar është gjetur i pajetë në përroin e fshatit Limuthit në Bërxullë. Raportohet se Elton Tahiri është gjetur nga kalimtarët ndërkohë në xhep kishte mjetin e identifikimit. Nuk dihet ende nëse viktima është vrarë apo kemi të bëjmë me vdekje aksidentale. Trupi i tij është dërguar në morg ku pritet të kryhet dhe ekspertiza mjeko-ligjore.
NJOFTIMI I POLICISË:
Më datë 13.02.2023, në afërsi të përroit të Limuthit, në Bërxullë, është gjetur një kufomë e seksit mashkull. Nga veprimet e para hetimore të kryera, në xhepin e rrobave të viktimës, është gjetur një dokument identifikimi me gjeneralitetet E. T., 48 vjeç. Grupi hetimor ndodhet në vendngjarje dhe po punon për zbardhjen e rrethanave të ngjarjes.
