TIRANË– Drejtori i Agjensisë për Media dhe Informim Endri Fuga ka dhënë dorëheqjen nga kjo detyrë këtë të premte. Lajmin e ka bërë me dije vetë Fuga, i cili shkruan se e ka marrë këtë vendim pasi do të angazhohet në fushatën e Partisë Socialiste. Fuga e mbante detyrën që prej 19 shtatorit të vitit 2021, kur dhe AIM u themelua.
Endri Fuga: Nga dita e sotme une do te perqendrohem ne fushaten zgjedhore te PS. Ndonese ligji nuk e pengon, nuk do te ishte e ndershme qe teksa angazhohem ne fushaten e nje partie politike te vazhdoja te drejtoja edhe Agjencine per Media dhe Informim, ndaj kam dhene doreheqjen nga kjo detyre. Nderkohe qe bashke do te vazhdojme te komunikojme per te gjitha ceshtjet qe lidhen me fushaten dhe Partine Socialiste, kontaktet me ju nga ana e MIA do i mbaje Manjola Hasa.
Endri Fuga u emërua në këtë detyrë nga krueministri Edi Rama me një vendim të firmosur më shtator të vitit 20212, por lajmi u bë publik në janar të 2022-shit. Roli i agjencisë pritej të ishte centralizues për marrëdhëniet me publikun të qeverisë. Në organikën e saj me 61 punonjës u përfshinë të gjithë zëdhënësit e ministrive dhe të gjitha institucionet e qeverisë qendrore dhe punonjës të zyrës së Marrëdhënie me Publikun në kryeministri. Agjencia kontrollon emërimin dhe shkarkimin nga puna të zëdhënësve të institucioneve qendrore, të cilët deri para krijimit të kësaj agjencie emëroheshin dhe shkarkoheshin nga ministrat përkatës dhe mbanin zakonisht statusin e këshilltarit. Kjo agjenci kontrollon gjithashtu aktivitetin publik të ministrave, përfshirë konferencat e tyre për shtyp.
