Tensioni në veri të Kosovës, PD: E papranueshme heshtja e qeverisë “Rama”
Partia Demokratike e cilëson provokim të përsëritur nga Serbia situatën e krijuar mbrëmjen e së dielës në veri të Kosovës. Në një deklaratë për shtyp, anëtari i Kryesisë së PD-së, Aldo Bumçi, dënoi atë që e cilësoi heshtje e institucioneve shqiptare në lidhje me situatën. Bumçi i kërkoi qeverisë “Rama” të ndërmarrë pa vonesë hapat e nevojshme për të mbështetur Kosovën dhe të dënojë çdo akt të Serbisë që nxit konflikte.
Hipokrizi e nismës së Ballkanit të Hapur dhe protagonistëve Rama-Vuçiç. Nëse hapja do të ishte synimi i tyre, aktet absurde të nacionalizmit të shek. XIX nuk do të përsëriteshin edhe njëherë në ato toka ku deri para pak vitesh luhej teatri i përgjakur i luftës.
