BRITANI– Një 32-vjeçar i identifikuar si Edmond Lika ka marrë vëmendjen e mediave britanike dhe rrjeteve sociale pasi ka hipur mbi çati për t’i shpëtuar kontrollit të policisë. Ai në momentin që ka parë që efektivët janë futur për kontroll në banesën që ishte përshtatur për kultivim të lëndëve narkotike, ka hipur në çatinë e banesës.
Por ky gjest prej ‘spideman-i’ nuk e ka shpëtuar të riun shqiptar pasi u kap nga policia. Policia britanike bën me dije se gjatë operacionit u sekuestruan të paktën 200 bimë kanabis. Lika doli para gjykatës dhe pranoi fajin, por deklaroi se kishte shkuar në Britaninë e Madhe me gomone, me shpresën se do të ndërtonte një të ardhme më të mirë
“E kam kuptuar fajin,”,tha ai, teksa kërkoi një vendim të butë nga ana e autoriteve.
