Erdogan: Sulm frikacakësh, do t’i ndëshkojmë siç e meritojnë

Ngjarja që ndodhi sot në Stamboll ishte një “sulm frikacakësh”. Presidenti turk, Erdogan, paralajmëron ndëshkimin e autorëve të sulmit që la të vdekur 6 persona dhe plagosi 53 të tjerë.

“Kombi ynë duhet të jetë i sigurt se ata që janë përgjegjës për situatën në Istiklal do të ndëshkohen ashtu siç e meritojnë”, tha Erdogan.

Presidenti turk përmendi “rolin e një gruaje në këtë situatë”, pa shtuar informacione të mëtejshme. “Për momentin, të dhënat e para tregojnë se një grua ka luajtur një rol në të gjithë këtë,” shpjegoi ai.