Ministrja e Arsimit dhe Sportit, Evis Kushi, mori pjesë ditën e sotme në mbledhjen e Komisionit Parlamentar, e cila bëri me dije disa ndryshime që do të ndodhin në sistemin arsimor.
“Së pari, një nga arsyet që kemi vendosur ta ndryshojmë ligjin, kanë qenë pikërisht shkollat speciale për nxënësit me aftësi ndryshe. Kemi parë jo vetëm në rajon por edhe vendet e zhvilluara të BE për një mënyrë më të mirë funksionimi, që nga ana e strukturës se si janë të organizuara, por edhe të funksionimit”– theksoi ministrja.
Gjithashtu nuk lejohet i punësimit në shkolla të personave të dënuar për vepra penale ndaj të miturve, ata që cënojnë figurën e mësuesit, ata që kanë qenë të dënuar për krime seksuale etj.
Disa ndryshime të tjera janë dhe :
E drejta e regjistrimit në klasë të parë për fëmijët që mbushin moshën 6 vjeç deri më datën 31 dhjetor të atij viti, me kërkesë të prindërve.
Përcaktimi i qartë i përgjegjësive për monitorimin, vlerësimin dhe inspektimin e institucioneve arsimore.
Rregullimi ligjor i institucioneve plotësuese private që ofrojnë shërbime për nxënësit pas orarit mësimor.
