Sekretarja e Gruas në Partinë Socialiste, Evis Kushi ka zhvilluar një takim në qytetin e Shkodrës në kuadër të projektit për hartimin e manifestit të Forumit të Gruas Socialiste.
Më anë të një postimi në rrjetet e saj sociale, Kushi falenderon drejtueset e forumit nga qarqet Shkodër, Kukës, Lezhë dhe Dibër, të cilat kanë bërë një punë të mahnitshme për fuqizimin e grave dhe vajzave në parti dhe shoqëri.
POSTIMI I EVIS KUSHIT:
Shkodër – Fuqizimi i gruas transformon shoqërinë 
Zhvilluam sot takimin e dytë në kuadër të projektit për 
hartimin e manifestit të Forumit të Gruas Socialiste, ku do t’i prezantojmë Partisë Socialiste prioritetet tona kryesore për fuqizimin e grave dhe vajzave 
në parti dhe shoqëri.
Këtë herë ishim me drejtueset e forumit nga qarqet Shkodër, Kukës, Lezhë dhe Dibër, ku mirëpritëm edhe Drejtuesen Politike të Qarkut Shkodër Elisa Spiropali, Prefekten e Qarkut Majlinda Angoni dhe Kryetaren e Bashkisë Kurbin Majlinda Shqalsi Cara, të cilat i falënderoj për kontributin e tyre të spikatur jo vetëm për PS, por edhe në jetën politike dhe shoqërore në vend.
Mirënjohje për Friedrich-Ebert-Stiftung Tirana për mbështetjen e vazhdueshme për Partinë Socialiste dhe veçanërisht në këtë projekt që synon realizimin e një dokumenti gjithëpërfshirës e që reflekton zërin e të gjitha grave dhe vajzave shqiptare.
