Sekretarja e Gruas në Partinë Socialiste, Evis Kushi zhvilloi sot në qytetin e Vlorës takimin e tretë në kuadër të projektit për hartimin e manifestit të Forumit të Gruas Socialiste, ku prezantoi prioritetet kryesore për fuqizimin e grave dhe vajzave në parti dhe shoqëri.
Me anë të një postimi në rrjetet e saj sociale, Kushi falenderoj drejtueset e Forumit të Gruas nga qarqet Vlorë, Fier, Gjirokastër dhe Berat të cilat me kontributin dhe idetë me vlerë kanë mundesuar që ky projekt të japë rezultat.
Postimi i Evis Kushit:
Vlorë – Fuqizimi i gruas transformon shoqërinë 
Zhvilluam sot takimin e tretë në kuadër të projektit për 
hartimin e 
manifestit të Forumit të Gruas Socialiste, ku do t’i prezantojmë Partisë Socialiste prioritetet tona kryesore për fuqizimin e grave dhe vajzave 
në parti dhe shoqëri.
Këtë herë ishim me drejtueset e forumit nga qarqet Vlorë, Fier, Gjirokastër dhe Berat, ku mirëpritëm edhe Sekretarin e Përgjithshëm të PS dhe Drejtues Politik i Qarkut Vlorë Blendi Klosi, Kryetarin e Bashkisë Ermal Dredha, zv. Ministren e Turizmit dhe Mjedisit Vilma Bello, deputete dhe mike të mira nga Vlora, të cilët i falënderoj për kontributin dhe idetë me vlerë që ndamë së bashku.
Mirënjohje për Friedrich-Ebert-Stiftung Tirana për mbështetjen e vazhdueshme për Partinë Socialiste dhe veçanërisht në këtë projekt që synon realizimin e një dokumenti gjithëpërfshirës e që reflekton zërin e të gjitha grave dhe vajzave shqiptare.
