FIER– Tre persona kanë rënë në prangat e Policisë së Fierit pasi akuzohen për vepra të ndryshme penale. Kështu një 45-vjeçar i identifikuar me inicialet A.H është arrestuar pasi ishte shpallur në kërkim për akuzën e veprës penale të dhënies së ndihmës për kalim të paligjshëm të kufirit, vepër për të cilën Gjykata e kishte dënuar me masën e ‘arrest me burg”. Ndërkohë 35-vjeçar i identifikuar me inicialet E.Xh është arrestuar për falsifikim të kartmonedhave ndërsa një 36-vjeçar i identifikuar me inicialet L.Ll ra në pranga pasi u kap duke drejtuar mjetin në gjendje të dehur.
NJOFTIMI I POLICIUSË:
DVP Fier/Vihen në pranga 3 shtetas, për vepra të ndryshme penale. Specialistët për Hetimin e Krimeve të Komisariatit të Policisë Fier kapën shtetasin e shpallur në kërkim A. H., 45 vjeç, banues në Fier, pasi Gjykata e Apelit Korçë, i ka caktuar masën e sigurisë “Arrest në burg”, për veprën penale “Ndihma për kalim të paligjshëm të kufijve”.45-vjeçari iu dorëzua DVP Korçë, për veprime të mëtejshme procedurale.
Po nga këta specialistë u arrestua në flagrancë, për veprën penale “Falsifikimi i monedhave”, shtetasi E. Xh., 35 vjeç, banues në Vlorë, pasi gjatë kontrollit në banesën e tij, u gjetën 2 kartëmonedha me prerje 100 euro, të dyshuara të falsifikuara. Specialistët e Sektorit të Qarkullimit Rrugor të DVP Fier arrestuan në flagrancë shtetasin L. Ll., 36 vjeç, banues në Fier, pasi është konstatuar nga shërbimet e Policisë, duke drejtuar automjetin, në gjendje të dehur. Materialet procedurale i kaluan Prokurorisë, për veprime të mëtejshme.
